ពិបាកចិត្តណាស់
ច្រៀងដោយ
អ៊ុំ សុមាវត្តី (កូនស្រីរបស់ ហួយ មាស)
ម៉ែគាត់ហាមមិនអោយខ្ញុំដើរចេញផ្ទះ
ខ្វល់ចិត្តណាស់ព្រោះដល់ថ្ងៃជួបសង្សារ តើអោយខ្ញុំត្រូវដោះស្រាយរបៀបណា?
ប្រុសជីវ៉ាច្បាស់ជារង់ចាំអូនហើយ។
ពិបាកណាស់ម៉ែគាត់ចាស់កាន់ប្រពៃណី
មានកូនស្រីតែមិនយល់ចិត្តសោះឡើយ ពេញក្រមុំធំក្រពុំប៉ុណ្ណឹងហើយ
មិនគួរឡើយបន្ទំកូននៅក្នុងផ្ទះ។
(បន្ទរ)៖ ម៉ែអើយ!សូមម៉ែមេត្តា
ក្តីស្នេហាដែលកូនទើបជួបប្រទះ ទ្រូងស្ទើរប្រេះព្រោះមិនបានដូចប្រាថ្នា។
ទោះយ៉ាងណាពាក្យសន្យាអូនចាំមិនភ្លេច
នឹកជានិច្ចចិត្តមិនគេចកែសាវា
សូមប្រុសបងរកចាស់ទុំធ្វើមេបា
យើងរៀបការបានជួបគ្នាលុះអវសាន។
