Lyric of "Anu Savry Prek Chhlong", Sung by: SIENG Dy

អនុស្សាវរីយ៍ព្រែកឆ្លូង

ច្រៀងដោយ សៀង ឌី (អ្នកចម្រៀងដំបូងបង្អស់ កែវ សេដ្ឋា)

ព្រែកឆ្លូងហូរកាត់ តាមព្រៃព្រឹក្សា ហ្វូងសត្វបក្សា ហើរដោយរីករាយ រស្មីសូរិយា លោតលេងសប្បាយ លើទឹករលក។

មេឃខៀវស្រងាត់ សូរសត្វឆ្លងឆ្លើយ ខ្យល់បក់រំភើយ ផាត់ដុំពពក តាវៅស្រែកយំ ហាក់ដូចសោយសោក ស្រណោះពេកក្រៃ។

(បន្ទរ)៖ ព្រែកឆ្លូងជាទី មុជទឹកកម្សាន្ត បើចង់ដើរលេង

លំហែប្រាណ បានក្តីសប្បាយ ចែវទូកដើរលេង ដោយរីករាយ 

ធម្មជាតិនិត្យនៅ ជុំវិញកាយ សប្បាយពេកសល់។

អនុស្សាវរីយ៍ ផ្ញើនឹងព្រែកឆ្លូង ជាទីដំបូង ដែលចិត្តលែងខ្វល់ ធ្លាប់នៅទីក្រុង ចិន្តាអំពល់ លែងខ្វល់មួយគ្រា។

                                                     

          (ភ្លេងរួចច្រៀងសាឡើងវិញម្តងទៀត)