Lyric of "Ang Tasom snae", Sung by: HUY Meas

អង្គតាសោមស្នេហ៍

ច្រៀងដោយ ហួយ មាស

ឱ! អង្គតាសោមឆោមស្នេហ៍អតីត នឹកភ្លាមឈាមផុតជីវិត ទ្រូងរួតរឹតរុះរោយដូចផ្កា នឹកគ្រាស្នេហ៍ថ្នមបីបមឱរា បូជាដួងចិត្តមរណា ប្តេជ្ញាស៊ូប្តូរផ្នូរមួយ។

ទ្រូងបាំងបេះដូងអូនរូងមិនយល់ រស់នៅក្នុងលោកដូចកល លក់ដូរប្តូរផលតែក្តីទុក្ខព្រួយ អូនហែលទឹកភ្នែករែកកម្មជួយ ឱ! អង្គតាសោមស្នេហ៍ត្រួយ រលួយចាកទងរងឈាម។

(បន្ទរ)៖ បងភ្លេចអូនហើយប្តីអើយអាសូរអូនផង រឿងដែលកន្លងអូនធ្វើអោយបងក្រំក្រៀម ឃើញតែសាងផ្នួសបួសចាកទ្រូងរៀម កុំអោយហូរឈាមដាបដាមរងកម្ម។

ជំនោរកក្តិកអូននឹកគ្រែខ្នើយ ទឹកភ្នែកស្រែករកបងហើយ ឱះ! ឱ!បងអើយដាច់ចិត្តម្ល៉េះណា នឹកឃើញអូនផងវិលមកជីវ៉ា ពុំគួរព្រងើយឫស្យាភ្លេចគ្រាកម្សត់នៃយើង។

(ភ្លេងរួចច្រៀងសាឡើងវិញម្តងទៀត)