Lyric of "Kolab Koh Keo", Sung by: IN Yeng

កុលាបកោះកែវ

ច្រៀងដោយ អ៊ិន យ៉េង

ប្រវត្តិស្នេហ៍ធំ រឿងទុំនិងទាវ ឯភូមិកោះកែវ ជាសាវតារថ្មី បងហែនាគបួស ឃើញកែវក្មេងខ្ចី ភ្លេចដល់ឆ្នាំបី គេសូមលើកស្លា។

កែវឈ្មោះដូចកោះ ពីរោះកន្លង ដីអូននិងបង ជាប់ព្រំចម្ការ បងលួចមើលអូន កំពុងក្រងផ្កា សក់វែងគ្របស្មា ខ្ញុំភាំងស្មារតី។

ឱ!ម្លប់ជ្រៃក្រឹម ដែលម៉ុមចងទោង អូនយោលរលោង អូនយោលរលោង រហូតពេញវ័យ ក្មេងច្រូតស្មៅកោះ ច្រៀងរឿងកែវស្រី អ្នកភូមិផងល្បី ថាអូនស្រស់ណាស់។

កុលាបកោះកែវ ស្មើទាវក្នុងរឿង សាច់ស្រអែមលឿង ថ្ពាល់ខួចសើចច្បាស់ ចម្ការកែវធំបងសុំប្រវាស់ កែវអ្ហើយកុំខ្មាស់ ដីកេរជាប់គ្នា។

ភ្លេង.........................................។

ឱ!ម្លប់ជ្រៃក្រឹម ដែលម៉ុមចងទោង អូនយោលរលោង រហូតពេញវ័យ ក្មេងច្រូតស្មៅកោះ ច្រៀងរឿងកែវស្រី អ្នកភូមិផងល្បី ថាអូនស្រស់ណាស់។

កុលាបកោះកែវ ស្មើទាវក្នុងរឿង សាច់ស្រអែមលឿង ថ្ពាល់ខួចសើចច្បាស់ ចម្ការកែវធំបងសុំប្រវាស់ កែវអ្ហើយកុំខ្មាស់ ដីកេរជាប់គ្នា។