អស្ចារ្យណាស់សង្សារខ្ញុំ
ច្រៀងដោយ
ហួយ មាស (ក្នុងល្ខោននិយាយរឿងកំពង់ធំជំរំចិត្ត)
សម្តីមានន័យពីរោះផ្អែមឆ្ងាញ់
ដូចសរបាញ់ចាក់ដើមទ្រូងឱរាស្រី ផ្អែមណាស់មាត់ក្រៅតែក្នុងគ្មានន័យ
ធ្វើអោយរាល់រូបស្ត្រីខូចក្តីប្រាថ្នា។
ស្រឡាញ់រួចខ្នាញ់ហើយបំភ្លេចបាន
ប្រុសកល្យាណហ៊ានស្នេហាក្បត់ចិត្តស្រី ធ្វើអោយទ្រូងអូនចុកណែនរីងរៃ
ដោយសារប្រុសព្រានចង្រៃ ឥតក្តីប្រណីមេត្តា។
(បន្ទរ)៖ បងមិនគួរមិនគួរទៅឱបបន្លា
ហើយស្មានថាក្តីស្នេហាដ៏សុខសាន្ត ឃើញនរកស្មានថាជាសួរវិមាន ឃើញអាក្រក់ប្រែជាល្អបាន
អស្ចារ្យណាស់សង្សារខ្ញុំ។
ណ្ហើយចុះ! យើងល្មមអស់កម្មពៀរ
ជាចម្លើយដែលត្រូវឆ្លើយគ្រាអវសាន សូមបងទៅចុះអោយបានសុខសាន្ត ជាតិនេះបានជាខកខាន ស្មារលាលុះជីវិតក្ស័យ។
(ភ្លេងរួចច្រៀងសាឡើងវិញម្តងទៀត)
