DynamicKhmer: August 2013

Sunday, August 25, 2013

កុកហើរតែឯងអ្ហើយ ខ្លែងហើរទាំងគូ បងអើយកុំទៅយូរ បងអើយកុំទៅយូរ ក្រែងអូនបានគេ

បើបានមកបង គ្រាន់ថ្នមបំពេរ បើអូនបានគេ អ្នកបងអើយគក់ទ្រូងស្តាយក្រោយ អ្នកបងអើយគក់ទ្រូងស្តាយក្រោយ។ (២ដង)

(ភ្លេងរួចច្រៀងសាឡើងវិញ)

ទទាយំឆ្លង ត្រយ៉ងបងអ្ហើយយំឆ្លើយ សង្សារបងអើយ ភ្លេចអូនហើយឬនៅ?

ទឹកហូរកាត់ខ្សាច់ ចិត្តអូនមិនដាច់អំពីប្រុសពៅ ស្ពានក៏បាក់

ទឹកក៏ជ្រៅ ធ្វើម្តេចបានទៅរកគូសង្សារ។ (២ដង)

(ភ្លេងរួចច្រៀងសាឡើងវិញ)

លឺសូរសញ្ញានាវាលាផែ លាផែភ្នំពេញទាំងទុក្ខទោម្នេញចរចេញយាត្រា

ខ្ញុំលាកន្លែងធ្លាប់ថ្លែងស្នេហា លាម្ចាស់ចិន្តា ផ្សងវាសនាសុខសាន្ត។

មើលទឹករលកបោកបក់នាវា ចងពៀរអាល័យ ដូចខ្ញុំជាស្រីចាញ់ដៃប្រុសព្រាន

ស្បថស្បែអោយស្នេហ៍ស្នេហ៍ហើយដោះប្រាណ រកជឿម្តេចបាន ឋានភ្លើងស្នេហ៍ប្រែឋាននិរាស។

លាហើយលាហើយលាហើយលាហើយ លាហើយលាហើយ ភ្នំពេញអើយលាទាំងគ្រាំគ្រា

រៀងហើយខ្លាចហើយ កុំតាមផ្តន្ទា បច្ចាមិត្តស្នេហ៍ខ្ញុំអើយ។

តស៊ូធ្វើអ្វីគ្មានក្តីមេត្តា ស្នេហាភក្តី វិប្បដិសារីជេរស្តីគ្មានស្បើយ

តស៊ូដល់ណានរណាឆ្លងឆ្លើយ មានតែលាហើយ ធ្មេចសាងត្រើយលាក្តីជរា។

ភ្លេង............................

តស៊ូធ្វើអ្វីគ្មានក្តីមេត្តា ស្នេហាភក្តី វិប្បដិសារីជេរស្តីគ្មានស្បើយ

តស៊ូដល់ណានរណាឆ្លងឆ្លើយ មានតែលាហើយ ធ្មេចសាងត្រើយលាក្តីជរា។

ចន្ទ្ររះពេញ កុំទោម្នេញអ្វីសោះឡើយ ឱ!ពួកយើងនេះអើយ ស្រលាញ់ជាតិនិងសាសនា និងសាសនា ពួកយើងរាល់គ្នាមកលេងរាំវង់ ឱ!អ្នកនេះរាំសម ឱ!អ្នកនេះគូខ្ញុំ អឺអឺអឺងអើយ។

ភ្លេង.....................................

(ភ្លេងរួចច្រៀងសាឡើងវិញ)

រសជាតិជីវិតខ្លឹមចិត្តស្នេហា បញ្ជាក់សញ្ញា ប្រាប់ថាថ្ងៃនេះជាជើងមេឃថ្មី

ឈាមក្រហមឆ្អៅដៅជាប់ដៃស្រី លោកនេះគ្មានអ្វី បំផ្លាញទាសីនៃចិត្តស្មោះបាន។

តំណក់ឈាមស្រក់លើសមុទ្រធារ ឈាមចិត្តបូជា ពិភពស្នេហានៃយើងពីរប្រាណ

ធរណីរាយលក្ខព្រះត្រាស់និព្វាន គ្មានអ្វីអវសាន្ត រំលាយវិមាននៃស្នេហ៍ភក្តី។

រលកទូកតូចព្រះពាយរំភើយ សមុទ្រនិងព្រះចន្ទ្រអើយ ពេលនេះអ្នកហើយជាសាក្សី

ជួយចាំសម្បថមួយពាន់សំដី ឆ្លាក់ដោយហឫទ័យ នៃស្រីម្នាក់ស្មោះចំពោះស្នេហា។

ពាក្យពេចន៍ចិត្តអ្នកប្រកាសស្បែស្បថ បើប្រែរលត់ ថ្ងៃក្រោយស្រីក្បត់ចិត្តប្រុសជីវ៉ា

សូមអោយវត្ថុស័ក្តិសិទ្ធិនានា មកផ្តាច់ជន្មា ផ្តន្ទាខ្ញុំចុះក្បត់ប្រុសអភ័ព្វ។

ភ្លេង.................................

ជាតិខ្មែរមានតែសម្តេចឪ យើងជាកូនចៅរស់នៅសុខសាន្ត យើងខ្ញុំបានធ្វើសាលារៀន គិលានដ្ឋានជនបទនានា គិលានដ្ឋានជនបទនានា។

ព្រះអង្គទ្រង់ធម៌បរិសុទ្ធ ព្រះទ័យអាណិតកូនចៅគ្រប់គ្នា ស្តេចយាងសម្ពោធអគារ ជូនជាតិសាសនាកូនចៅប្រុសស្រី ជូនជាតិសាសនាកូនចៅប្រុសស្រី។

ជាតិខ្មែរនាំគ្នាកសាង បានឃើញរូបរាងទុកជាស្នាដៃ កើតឡើងដោយបុណ្យបារមី ប្រទេសមានជ័យដោយសម្តេចព្រះបិតា ប្រទេសមានជ័យដោយសម្តេចព្រះបិតា។

(ភ្លេងរួចច្រៀងសាឡើងវិញ)